Faqja “Gazeta Aktive” në Facebook ka shpërndar artikullin e publikuar në “gjithckafresh.info” me titull “Në këtë ditë pritet temperaturat të shkojn -20 thot Tahir Sylaj? Te behemi gati”.
Pas kontrollit të fakteve nga hibrid.info, rezulton se ky artikull përmban titull të rremë dhe përmbajtje të vjetër.
Në fakt, “Gjithckafresh.info” ka marrë një pjesë të lajmit të publikuar në “meteoballkan.com” me datë 19 nëntor të këtij viti, e më pas e ka publikuar atë si aktual duke i ndryshuar titullin.
Gjithashtu, në përmbajtjen e këtij artikulli nuk gjendet asnjë deklaratë nga Sylë Tahirsylaj, siç pretendohet në titull.
Teksti i arikullit të publikuar në “gjithckafresh.info”:
LAJMI I FUNDIT – Në këtë ditë pritet temperaturat të shkojn -20 thot Tahir Sylaj? Te behemi gati
Sot pritet të kemi mot kryesisht të vranët dhe mjaft të ftohtë. Po ashtu do të ketë edhe reshje të herëpashershme lokale bore.
Nëpër ultësirat e Dukagjinit priten reshje të dobëta (afatshkurtra) lokale shiu, ndërsa në viset tjera përpos vendeve kodrinore-malore reshjet estetike bore mund të ketë edhe nëpër ultësira.
Do të jenë këto reshjet e para të dëborës për këtë sezonë, por reshjet nuk pritet të jenë gjithëpërfshirëse.
Vegëza e artikullit të publikuar në “gjithckafresh.info”:
Më poshtë mund të gjeni vegëzën e artikullit origjinal të publikuar në kohë reale nga “meteoballkan.com”:
Analiza:
“Gjithckafresh.info” ka përdorur një lajm të vjetër, të cilin më pas e ka publikuar si aktual, si dhe i ka ndryshuar titullin në mënyrë që të tërheqë sa më shumë klikime nga lexuesit. Pas verifikimit të bërë nga hibrid.info, ky shkrim kategorizohet si “clickbait” dhe “dezinformatë”.
Analiza:
“Gjithckafresh.info” ka përdorur një lajm të vjetër, të cilin më pas e ka publikuar si aktual, si dhe i ka ndryshuar titullin në mënyrë që të tërheqë sa më shumë klikime nga lexuesit. Pas verifikimit të bërë nga hibrid.info, ky shkrim kategorizohet si “clickbait” dhe “dezinformatë”.
Arsyetimi:
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.