Portali i dyshimtë “mergata.eu” ka publikuar një artikull, ku pretendohet se Albin Kurti është kundër që të rikthehet karantina si pasojë e virusit Korona.
Megjithatë, ky shkrim përmban titull dhe përmbajtje të sajuar. Pas hulumtimit nga hibrid.info përmes makinave të kërkimit, nuk është gjetur asnjë deklaratë e tillë nga ana e Kurtit.
Tekti i artikullit të publikuar në “mergata.eu”:
Kurti: Nuk duhet me u mbyll vendi në karantinë, s’mundesh me ja ndal njerëzve lëvizjen..
Ish kryeministri i Kosovës, Albin Kurti ka dal kundër izolimit të vendit për shkak të situatës jo të mirë në vend. Ai beson se kjo nuk është e drejtë dhe Qeveria e kosovës nuk duhet ta bëj..
” Nuk duhet me u mbyll vendi në karantinë, s’mundesh me ja ndal njerëzve lëvizjen. Avdullah Hoti nuk po ja…-
Vegëza e artikullit të publikar në “mergata.eu”:
Analiza:
Pas hulumtimit të bërë nga hibrid.info, del që artikulli i publikuar nga “mergata.eu” është komplet i sajuar, pasi nuk është gjetur asnjë deklaratë e ngjashme nga ana e Albin Kurtit. Lajme të tilla dezinformuese, synojnë të përfitojnë materialisht përmes klikimeve në rrjete sociale. Ky shkrim kategorizohet si “Lajm i rremë”, “Dezinformatë” dhe “Clickbait”.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
