Shkroi: Etrit Rexhepi
Disa faqe në Facebook kanë publikuar sot (29 mars) një imazh të cilit i kanë vendosur mbishkrimin “E rëndë, ρrindërit rrahin për υdekje foshnjën 10 muajshe / shiko videon e plote ne komentin e pare”.
Imazhit i është bashkangjitur në koment, vegëza e artikullit që ka raportuar ngjarjen, i publikuar nga një portal i dyshimtë me emrin “new.focuslajme.mk”.
Pas verifikimit të fakteve nga hibrid.info, është vërtetuar se artikulli në fjalë nuk përmban video, ashtu siç paralajmërohet në mbishkrimin e fotografisë së publikuar nga faqet në Facebook, të cilat kanë raportuar ngjarjen.
Një numër i madh i faqeve në Facebook kanë shpërndarë informacionin në mënyrën e lart-cekur (këtu).
Vegëzat e disa nga faqeve të cilat kanë publikuar imazhin në Facebook:
Hibrid.info ka verifikuar artikullin (këtu) bashkangjitur në hapësirën e komenteve në imazhin e publikuar nga faqet në fjalë dhe ka vërtetuar përmbajtjen në të cilin raportohet për një ngjarje të ndodhur në Britani të Madhe, e konfirmuar edhe nga disa media në gjuhën angleze (shih këtu, këtu dhe këtu).
Por, pas kontrollit të fakteve nga hibrid.info, është gjetur se artikulli i portalit të dyshimtë, “new.focuslajme.mk”, nuk përmban video, ashtu siç pretendohet në mbishkrimin e fotografisë së publikuar nga faqet e përmendura më lartë në Facebook.
Gjithashtu edhe pas hulumtimit me anë të makinës së kërkimit, “Google”, hibrid.info nuk ka gjetur pamje të momenteve të ndodhjes së ngjarjes apo edhe pas ndodhjes së saj (shih këtu).
Analiza:
Disa faqe në Facebook kanë publikuar një artikull që raporton për vrasjen e një foshnje nga prindërit në Britani të Madhe, me pretendimin se i njëjti artikull përmban edhe video.
Por, pas verifikimit nga hibrid.info, është gjetur se brenda tekstit të lajmit nuk ekziston video. Po ashtu edhe nga hulumtimi tutje, nuk është hasur asnjë video gjatë dhe pas momentit të vdekjes së foshnjës 10 muajshe.
Bazuar në metodologjinë e punës, hibrid.info e vlerëson këtë përmbajtje si “Dezinformatë”.
Vlerësimi:
Vlerësimin si “Dezinformatë” e merr ajo përmbajtje informative e cila në vete përmban një “miks” të burimeve të pasakta apo edhe atribute gjysmë të vërteta, e që krijohet dhe/apo shpërndahet me qëllim të paramenduar për të shkaktuar dëm. Prapa motivit të prodhuesve/shpërndarësve të përmbajtjeve dezinformuese qëndron arritja e një qëllimi politik, financiar, psikologjik apo social.