Portali “kosovapost.net” ka publikuar një artikull me titull “Kryeministrit Kurti i refuzohet viza për SHBA!”.
Ky portal ka pretenduar se kryeministrit të Republikes sonë, i është refuzuar viza edhe nga shteti më i fuqishmën në botë, respektivisht ‘bashkësponzorizuesi’ i lindjes dhe i ndërtimit të Kosovës, ShBA-të. Lajmi përkitazi për ketë ‘embargo’ amerikane ndaj Kurtit, redakisa e KoosvaPost e ka mësuar nga burime të afërta me Qeverinë Kurti.
Megjithatë, ky pretendim i portalit “kosovapost.net” është hedhur poshtë nga zyra për media e Qeverisë së Kosovës, ku zyrtari i saj për informim, Përparim Kryeziu, demantoi disa raportime se kryeministrit Kurti i është refuzuar viza amerikane.
Vegëza e artikullit të publikuar në portalin “kosovapost.net”:
Më poshtë mund të gjeni artikullin e “kosovapost.net” të publikuar edhe nga disa media tjera online në Kosovë.
Zyrtari për informim i Qeverisë së Kosovës, Përparim Kryeziu, foli për “klankosova.tv”, duke demantuar raportimet se kryeministrit Kurti i është refuzuar viza amerikane.
”Nuk është e vërtetë. Kryeministri Kurti është i pajisur me vizë amerikane. Ai do të udhëtojë për në Shtetet e Bashkuara të Amerikës së shpejti. Vizita e tij është duke u planifikuar”, u shpreh ai kur u pyet për refuzimin e vizës për Kurtin.
Vegëza e artikullit të publikuar në “klankosova.tv”:
Analiza:
Portali “kosovapost.net” ka publikuar një artikull duke u thirrur në burime, ku pretendohet se kryeministrit Albin Kurti i është refuzuar viza nga Shtetet e Bashkuara të Amerikës. Ky artikull është shpërndarë edhe nga disa media tjera online në Kosovë.
Megjithatë, këtë pretendim të portalit “kosovapost.net” e ka demantuar zyrtari për informim nga Qeveria e Kosovës, Përparim Kryeziu, i cili tha se kjo nuk është e vërtetë dhe kryeministri Kurti është i pajisur me vizë amerikane.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
