Portali “Lecanton27.ch” i vetëquajtur si “gazeta e parë zvicerane në gjuhën shqipe”, dje (20 qershor) ka publikuar një artikull me pretendimin se këngëtarja Rita Ora do të jetë pjesë e festivalit “SunnyHill” në Prishtinë.
Mirëpo, ky portal më vonë e ka ndryshuar këtë artikull duke thënë “Megjithate Sunny Hill Festival do të mbahet në Kosovë me 4-7 gusht me apo pa Rita Oren dhe Bebe Rexhen”.
Por, edhe pse ky portal ka ndryshuar këtë artikull, hibrid.info ka arritur të ruaj dëshminë (screenshot) e publikimit me pretendimin se Rita Ora do të jetë pjesë e këtij festivali. (shih fotot më poshtë)
Vegëza e artikullit të ndryshuar i publikuar nga portali “Lecanton27.ch”:
Duke ditur se ende nuk është zyrtarizuar lista e plotë e pjesëmarrësve në festivalin “SunnyHill”, pra pa u bërë e qartë se cilët artistë do të performojnë, ky portal ka pretenduar pa asnjë fakt se Rita Ora do të jetë pjesë e tij.
Analiza:
Portali “Lecanton27.ch” dje (20 qershor) ka publikuar një artikull me pretendimin se këngëtarja Rita Ora do të jetë pjesë e festivalit “SunnyHill” në Prishtinë.
Mirëpo, ky portal më vonë e ka ndryshuar këtë artikull, duke e zëvendësuar me një të tjetër, të titulluar “me apo pa Rita Orën dhe Bebe Rexhën, festivali do të mbahet në Prishtinë”.
Hibrid.info ka arritur të sigurojë përmbajtjen e artikullit (screenshot) me pretendimin se Rita Ora do të jetë pjesë e festivalit të lartcekur.
Bazuar në metodologjinë e punës, hibrid.info e ka vlerësuar këtë artikull si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.