Portali informativ “Botasot.info” dje (4 korrik) ka publikuar një artikull, duke iu referuar raportit të Ministrisë së Shëndetësisë, ndërsa në titull thuhet se në Kosovë janë 106 raste aktive me virusin Korona.
Pas kontrollit të fakteve të kryer nga hibrid.info, vërtetohet që titulli i këtij artikulli është shkruar gabim, pasi Ministria e Shëndetësisë ka raportuar se brenda 24 orëve të fundit janë regjistruar 106 raste të reja me Covid-19, ndërsa raste aktive janë 1066.
Gabim është bërë edhe në raportimin e rasteve aktive që pretendohet të jetë 106, por në raportin e MSH-së bëhet fjalë për 1066 persona.
Pjesë nga artikulli i publikuar në portalin “Botasot.info”:
106 raste aktive me COVID-19
Ministria e Shëndetësisë ka njoftuar se gjatë 24 orëve janë realizuar 294 teste.
Prej të cilave 106 persona kanë rezultuar pozitiv me COVID-19.
Sipas njoftimit, janë 1066 raste aktive. Ndërkohë, në 24 orët e fundit janë shëruar 52 persona.
Vegëza e artikullit të publikuar në portalin “Botasot.info”:
Raportin e plotë të IKSHPK-së të publikuar me datë 17 mars në faqen zyrtare në Facebook mund ta gjeni këtu.
Analiza:
Portali “botasot.info” ka gabuar në numrin e rasteve aktive me COVID-19 për 24 orët e fundit. Në titullin e këtij artikulli thuhet se 106 raste janë aktive, ndërsa në raportin 24 orësh të MSH-së thuhet se numri i rasteve aktive është 1066.
Pas analizës së kontrollit të fakteve, hibrid.info këtë artikull të “botasot.info” e vlerëson si “gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.