Lajmi i pavërtetë për lirimin me kusht të ish-presidentit të Kosovës, Hashim Thaçi nga gjykata speciale në Hagë, po vazhdon të përsëritet.
Faqja në Facebook e quajtur “Në Kohë”, e cila numëron mbi 400 mijë ndjekës e ka postuar këtë lajm të pavërtetë, i cili në muajin gusht ishte publikuar nga portali i dyshimtë “newstoday74.com”.
Hibrid.info ka verifikuar faktet në këtë artikull, ku është vërejtur se lajmi është i muajit gusht dhe i njejti atëkohë është kontrolluar gjithashtu nga stafi ynë.
Në përmbajtje të këtij artikulli gjendet një lajm i vjetër, i cili u publikua nga klankosova.tv më 14 korrik të këtij viti dhe kishte të bëjë me kundërshtimin e Prokurorisë se Hagës për lirimin me kusht të Thaçit, pasi ka vlerësuar se ka ndikim politik.
Pra, nuk ka asgjë të vërtetë lidhur me lirimin me kusht të ish-presidentit të Kosovës, siç pretendohet rrejshëm në titullin e këtij artikulli.
Vegëza e artikullit të postuar nga faqja “Në Kohë” në Facebook:
https://www.facebook.com/nekohe/posts/236489515178949
Vegëza e artikullit të publikuar në muajin gusht nga portali i dyshimtë “todaynews74.com”:
Më poshtë mund të gjeni artikullin autentik të publikuar në kohë reale nga klankosova.tv, ku tregon se Prokuroria në Hagë ka kundërshtuar lirimin me kusht të Thaçit.
Hibrid.info e ka verifikuar këtë artikull me pretendim të rremë edhe në muajin gusht, kur është publikuar për herë të parë nga disa portale të dyshimta.
Analiza:
Faqja në Facebook e quajtur “Në Kohë” e ka postuar këtë artikull të vjetër me pretendim të rremë që gjoja Gjykata Speciale në Hagë ka marrë vendim për lirimin me kusht të Hashim Thaçit.
Gjatë verifikimit të fakteve nga hibrid.info, është vërtetuar se i njëjti artikull me titull të sajuar është publikuar edhe më herët dhe po vazhdon të përsëritet.
Pas analizës së kontrollit të fakteve përmes metodologjisë së punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
