Portali i dyshimtë “Lajmee.com”, ka publikuar një artikull me titull “Joe Biden pasi fitoi ka disa fjalë për Albin Kurtin dhe Shqiptarët që e ndihmuan”.
Ky shkrim përmban titull të rremë, i cili nuk përputhet me tekstin. Në përmbajtjen e këtij artikulli gjendet fjalimi i Joe Biden-it në vitin 2002, gjatë një takimi me përfaqësues të Diasporës Shqiptare në SHBA si dhe me disa përfaqësues politikë të Kosovës, gjë që nuk ndërlidhet fare me aktualitetin politik, veçanërisht me atë çka pretendohet në titullin e artikullit.
Vegëza e artikullit të publikuar në “Lajmee.co”:
Biden këtë fjalim e bëri gjatë kohës kur ishte udhëheqës i Komitetit për Punë të Jashtme në Senatin Amerikan. Ndërsa në këtë fjalim ishin përfaqësues të lobit shqiptaro-amerikan, respektivisht Ligës Shqiptaro-Amerikan të udhëhequr nga Joseph DioGuardi.
Fjalimi i plotë i Biden, i përkthyer në gjuhën shqipe:
Analiza:
Artikulli i publikuar në “Lajmee.com” përmban titull të sajuar që nuk përputhet me tekstin. Ky portal i dyshimtë i ka vendosur qëllimisht këtë titull, për të tërhequr vëmendjen e lexuesit, marr parasysh konteksti aktual politik, në kohën kur Biden fitoi zgjedhjet presidennciale në SHBA. Përmes titullit, autorët e këtij artikulli të rremë, stimulojnë rritjen e klikimeve, nga të cilat përfitojnë. Ky shkrim kategorizohet si “Clickbait” dhe “Dezinformatë”.
Arsyetimi:
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
