Faqja në Facebook që mban emrin “Kredi personale” ka publikuar me datë 19 janar një imazh të cilin e paraqet si vlerësim nga një klient, i cili sipas kësaj faqe është ndarë i kënaqur me procedurat për marrjen e një kredie.
Pas verifikimit të fakteve të kryer nga hibrid.info, është vërtetuar se imazhin me vlerësimin nga një klient, kjo faqe e ka marrë nga institucioni mikrofinanciar “AFK – Agjencioni për Financim në Kosovë”.
Kjo faqe, vazhdimisht publikon kampanja të institucioneve financiare në Kosovë e Shqipëri, të cilat i paraqet rrejshëm si të sajat, e që shumicën prej tyre i ka trajtuar hibrid.info, duke i vlerësuar si mashtrime. (shih disa këtu, këtu dhe këtu)
Vegëza e postimit të publikuar nga faqja “Kredi personale” në Facebook:
Pas hulumtimit përmes programit të automatizuar “InVID”, hibrid.info ka arritur të gjejë postimin autentik të publikuar me datë 18 janar nga AFK – Agjencioni për Financim në Kosovë”. (shih këtu)
Imazhet krahasuese
Duke parë që postimi është bërë në gjuhën shqipe nga faqja “Kredi personale”, hibrid.info ka hulumtuar rreth institucioneve financiare dhe bankave të licencuara në Kosovë. Nga ky hulumtim rezulton se nuk ka asnjë dëshmi për veprimtari të faqes në fjalë në Kosovë. (shih këtu)
Po ashtu gjë e cila e bën më të dyshimtë faqen “Kredi personale” në Facebook, është mungesa e të dhënave të mjaftueshme, në seksionin “about” të kësaj faqe në Facebook. Të dhënat e publikuara nuk dëshmojnë kredibilitetin apo besueshmërinë dhe transparencën, e faqes “Kredi personale”. (shih këtu)
Analiza:
Një faqe e dyshimtë nëFacebook ka publikuar një postim të marrë nga institucioni mikrofinanciar “AFK – Agjencioni për Financim në Kosovë”, duke e paraqitur rrejshëm si të sajën.
Gjithashtu, faqja “Kredi personale” ka ndërhyrë në imazhin origjinal, duke ia larguar logon e AFK-së. Hibrid.info e vlerëson këtë postim si “Mashtrim”.