Artikulli me titull “Haziri: VV-ja le ta harron pushtetin, skemi rrugë tjetër do bëjmë koalicion me PDK-në” është publikuar nga portali i dyshimtë “kosovajournal.com”.
Pas analizës së kontrollit të fakteve të kryer nga hibrid.info, del që ky portal i dyshimtë ka marrë një pjesë të tekstit nga një lajm i vjetër, të cilin e ka publikuar me pretendimin që ta paraqes si aktual dhe duke i shtuar titull dhe përmbajtje të sajuar.
Lajmi është i vjetër i cili është publikuar më 29 shtator 2020, atëherë kur Lutfi Haziri kishte thënë se LDK-ja kishte vendosur vija të kuqe me PDK-në në zgjedhjet e kaluara, pra deklarat ishte bërë në një kontekst tjetër kohor.
Pas kontrollit të fakteve nga hibrid.info, vërehet se Haziri nuk ka thënë se VV-ja duhet ta harrojë pushtetin dhe se LDK do të bëjë koalicion me PDK-në, siç pretendohet në titullin e artikullit të publikuar në “kosovajournal.com”.
Teksti i artikullit të publikuar në “kosovajournal.com”:
Haziri: VV-ja le ta harron pushtetin, skemi rrugë tjetër do bëjmë koalicion me PDK-në
Nënkryetari i LDK-së, Lutf Haziri ka thënë se vija e kuqe LDK-ja i kishte vendosur ndaj PDK-së në zgjedhjet e kaluara, respektivisht ndaj Kadri Veselit, pasi që ai ishte kryetar i koalicionit të kaluar qeverisës.
“S’duhet të ketë vija të kuqe, edhe pse ne i kemi vendosur vetë ato si debat i brendshëm dhe kështu ka ndodhur, pra kemi pasur vija të kuqe për PDK-në”, ka thënë Haziri në RTK.
VV-ja ndoshta edhe mund të fitoj, por asesi nuk bën të vjen në pushtet përsëri, alternativa më e mirë është të bashkojmë forcat me PDK-në.
Vegëza e artikullit të publikuar në “kosovajournal.com”:
Më poshtë mund të gjeni vegëzat e artikullit origjinal të publikuar në kohë reale nga disa media online.
Analiza:
Portali i dyshimtë “kosovajournal.com” ka marrë një pjesë te tekstit nga një lajm i vjetër të cilin e ka publikuar si aktual. Gjithashtu, ky artikull përmban titull dhe një pjesë të tekstit të sajuar. Hibrid.info këtë shkrim e kategorizon si “lajm i rremë”, “dezinformatë” dhe “clickbait”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Vlerësimin “Clickbait” e marrin ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
