Portali i dyshimtë “lajme2.com” dje (17 mars) ka publikuar një artikull me titull “Kurti sot do udhtoje per ne Mynih Te Gjermanise, ja per cfare arsye”.
Hibrid.info ka verifikuar faktet në këtë artikull, i cili është vërtetuar se është i vjetër. Lajmi është i datës 18 shkurt të këtij viti, kur kryeministri i Kosovës Albin Kurti, kishte udhëtuar për në Munih të Gjermanisë për të marrë pjesë në Konferencën e Sigurisë atje (Munich Security Conference).
Pra, ky portal i dyshimtë ka publikuar lajm të vjetër të cilin është munduar ta paraqesë si aktual.
Vegëza e artikullit të publikuar në portalin e dyshimtë “lajme2.com”:
Ky artikull është shpërndarë sot (18 mars) në Facebook nga faqja “Express Gazeta”, e cila numëron afër 70 mijë ndjekës. (shih këtu)
Hibrid.info pas hulumtimit të kryer përmes makinave online të kërkimit, ka gjetur artikullin e publikuar në kohë reale (18 shkurt 2022) në disa media online në Kosovë. (shih këtu dhe këtu)
Analiza:
Portali i dyshimtë “lajme2.com” dje (17 mars) ka publikuar një artikull të vjetër të datës 18 shkurt, lidhur me udhëtimin e Kurtit në Munih të Gjermanisë për të marrë pjesë në Konferencën e Sigurisë, duke u munduar ta paraqesë këtë lajm si aktual.
Pas analizës së kontrollit të fakteve, hibrid.info e ka vlerësuar këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.