Portali i dyshimtë “Thedailybarta24.com”, ka publikuar një lajm në titullin e të cilit shkruan për shpërthimin e valës së dytë të virusit Korona, si dhe karantinën që pritet të zgjatë dy muaj.
Ky artikull përmban titull të rremë dhe nuk ka të bëjë me tekstin brenda. Përmbajtja e këtij teksti është e pjesshme dhe flet për masat e izolimit që kanë filluar të hiqen në disa vende evropiane.
Teksti origjinal i publikuar në portalin Thedailybarta24.com:
LAJMI I FUNDIT – Ja kur pritet të shpërthejë vala e dytë e Koronavirusit dhe karantinë 2 muajshe?
Analizë:
Titulli i këtij lajmi është i rremë dhe ngjallë frikë te lexuesit, si dhe nuk përkon me tekstin brenda. Gjithashti, titulli i këtij artikulli është bërë në atë formë për të nxitur lexuesit të klikojnë postimin e plotë. Për këtë arsye, ky artikull kategorizohet si “Lajm i rremë”, “Dezinformatë” dhe “Clickbait”.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
