Portali i dyshimtë me përmbajtje në gjuhën shqipe “Multinewz.com” ka publikuar një artikull me titull të rremë se forcat ruse kanë sulmuar një vend të Shqipërisë.
Pas verifikimit të fakteve nga hibrid.info, është vërtetuar se nuk bëhet fjalë për asnjë vend të Shqipërisë, por një sulm i tillë ka ndodhur në objektin e konsullatës shqiptare në Kharkiv të Ukrainës.
Vegëza e artikullit të publikuar në “Multinewz.com”:
Nga hulumtimi përmes makinave të kërkimit dhe rrjeteve sociale, hibrid.info ka arritur të gjejë artikullin e publikuar nga disa media online në Kosovë dhe Shqipëri, të cilat kanë raportuar saktë lidhur me këtë ngjarje. (shih këtu dhe këtu)
Lajmi për bombardimin e konsullatës shqiptare është publikuar në llogarinë zyrtare të saj në Twitter. (shih këtu)
Analiza:
Portali i dyshimtë “Multinewz.com” ka publikuar artikullin lidhur me bombardimin e konsullatës shqiptare në Kharkiv të Ukrainës.
Por, këtij artikulli i ka vënë titull të rremë me pretendimin se forcat ruse kanë sulmuar një vend të Shqipërisë.
Nga analiza e kontrollit të fakteve, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
