Portali i dyshimtë në gjuhën shqipe “newsamar26.com” ka publikuar një artikull me titull të rremë, duke pretenduar se presidenti serb Aleksandër Vuçiq ka thënë se “do ta pranojmë Kosovën si shtet, atëherë kur kryeministër i saj do të jetë një serb”.
Kjo u vërtetuar pas kontrollit të fakteve të kryer nga hibrid.info, duke qenë se titulli i këtij artikulli nuk përputhej me përmbajtjen.
Gjithashtu, lajmi është i vjetër i cili u publikua në janar të këtij viti dhe ka të bëjë me një deklaratë të presidentit serb, i cili atëkohë ishte shprehur se beson se do të ketë vazhdim të dialogut dikur, përkundër deklaratave, siç ishte shprehur, jo përgjegjëse si ajo e krijimit të “Shqipërisë së madhe”, që vijnë nga politikanët shqiptar.
Vegëza e artikullit të publikuar në portalin e dyshimtë “newsamar26.com”:
I njëjti artikull me titull të rremë është shpërndarë edhe në Facebook nga faqja “Gazeta Aktive”, e cila ka arritur që në këtë postim të grumbullojë numër të madh reagimesh e komentesh.
https://www.facebook.com/GazetaAktive/posts/275369391299752
Pas hulumtimit të kryer nga hibrid.info, është gjetur artikulli autentik i publikuar në gjuhën shqipe dhe në kohë reale nga portali “botasot.info”.
Vegëza e artikullit të publikuar në “botasot.info”:https://www.botasot.info/lajme/1494474/cartet-vuciq-ne-do-mbeshtesim-popullin-serb-ne-kosove-dhe/
Analiza:
Portali i dyshimtë “newsamar26.com” ka publikuar një artikull të vjetër të cilin është munduar ta paraqesë si aktual duke i vënë titull të rremë.
Bazuar në metodologjinë e punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
