Disa portale në Kosovë kanë publikuar një artikull me titull “Dhjetëra autobusë nga diaspora nisen për të përkrahur Ramush Haradinaj për President”.
Ky lajm i është referuar nga një fotografi të postuar nga një simpatizant i AAK-së në Vjenë, Agim Sadik Knushi, në Facebook. Ai ka publikuar një fotografi ku shihet në autobus me disa mërgimtarë, me një parullë të vendosur në pjesën ballore me mbishkrimin – “VOTO 135″.
Portalet si “gazetainfokus.com”, “telegrafi.com” dhe “reporteri.net” kanë raportuar se bëhet fjalë për dhjetëra autobusë të cilët pritet të nisen në drejtim të Kosovës për të votuar për AAK-në. Por, në fotografinë e postuar nga simpatizanti i AAK-së shihet vetëm një autobusë dhe nuk thuhet se sa është numri i tyre.
Gjithashtu, të njëjtën fotografi e ka postuar në Facecbook edhe i pari i AAK-së, Ramush Haradinaj, por pa specifikuar numrin e autobusëve.
Vegëzat e artikullit të publikuar nga disa portale:
Postimi i Agim Sadik Knushi në profilin e tij në Facebook:
https://www.facebook.com/agimsadik.knushi/posts/1843935325763898
Më poshtë mund të gjeni edhe postimin e Ramush Haradinajt në profilin e tij zyrtar në Facebook:
https://www.facebook.com/RamushHaradinajOfficial/posts/2429599833831083
Analiza:
Disa portale në Kosovë kanë përdorur një fotografi të publikuar nga një simpatizant i AAK-së në Vjenë, në të cilën shihet një autobus dhe disa persona.
Në raportimin e këtij lajmi, këto portale kanë shkruar se bëhet fjalë për dhjetëra autobusë, duke mos u referuar askund. Lajmi është i shkruar gabim, por pa qëllimin e qartë të dezinformimit të publikut. Megjithatë, mund të dezinformojë lexuesit.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.