Portali “periskopi.com” ka publikuar një artikull që pretendon se klubi i futbollit Trepça 89 dhe ai Prishtina janë ndarë me rezultat të barabartë 1 me 1 në ndeshjen e xhiro së 22-të në Superligën e Kosovës.
Pas verifikimit nga hibrid.info, del që ky artikull nga periskopi.com të jetë shkruar gabim, pasi që këtë ndeshje e ka fituar Prishtina me rezultat 1 me 2.
Pjesë nga teksti i artikullit të publikuar në “periskopi.com”:
Trepça 89 nxjerr barazim në minutën e fundit kundër Prishtinës
Trepça 89 nxori një barazim dramatik në minutën e fundit kundër Prishtinës në Mitrovicë, në ndeshjen e vlefshme për javën e 22-të në Superligën e Kosovës.
Prishtinasit kaluan në epërsi në minutën e 52-të dhe u duk se do të siguronte tri pikë nga kjo përballje, shkruan Periskopi.
Mirëpo, në minutën e 90-të të ndeshjes, Arbnor Muja barazoi për nikoqirët duke ia siguruar skuadrës së tij një pikë nga përballja.
Vegëza e artikullit të publikuar në “periskopi.com”:
Më poshtë mund të gjeni vegëzat me artikullin rreth fitores së Prishtinës të publikuar në disa media online.
https://www.rtklive.com/sq/news-single.php?ID=503944
Analiza:
Periskopi.com ka gabuar në shkrimin e këtij artikulli, duke pretenduar se ndeshja në mes Trepçës 89 dhe Prishtinës është kryer me barazim 1 me 1. Pas verifikimit të fakteve nga hibrid.info, del që Prishtina e ka fituar ndeshjen 1 me 2 në minutën e 96-të pas golit të shënuar nga Leonit Abazi.
Lajmi është i shkruar gabim, por pa qëllimin e qartë të dezinformimit të publikut. Megjithatë, mund të dezinformojë lexuesit e këtij portali. Hibrid.info këtë artikull e vlerëson si “gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.