Në një grup publik në Facebook me emrin “Disapora me PDK” është publikuar (28 dhjetor) imazhi ku shfaqet portreti i kryeministrit Albin Kurti.
Fotografisë i është bashkangjitur edhe mbishkrimi që pretendon se kryeministri Kurti është deklaruar “Kemi dyshime për prejardhjen e parave që po i sjellin mërgimtarët në Kosovë”.
Pas hulumtimit nga hibrid.info, deklarata e pretenduar e Kurtit nuk është provuar të jetë e vërtetë madje janë gjetur edhe deklaratat reale të tij për mërgimtarët.
Vegëza e imazhit të publikuar në grupin “Disapora me PDK”:
https://www.facebook.com/groups/401170274324083/posts/1007430563698048/
Hibrid.info ka hulumtuar për pretendimin në rrjetin social Facebook (këtu) por edhe me anë të makinës së kërkimit, Google (këtu), por deklarata si e tillë nuk është gjetur e publikuar në asnjërën prej mediave.
Ndërkaq për të vërtetuar se pretendimi nuk qëndron, hibrid.info ka hulumtuar dhe ka sjellë disa qëndrime publike të kryeministrit të vendit, mbi mërgatën, në të cilat vlerësohet kontributi i diasporës në vendin tonë, nga kryeministri Kurti (shih këtu, këtu dhe këtu).
Analiza:
Pretendimi se kryeministri i kosovës, Albin Kurti me anë të një deklarate, ka vënë në dyshim prejardhjen e parave të mërgimtarëve, nuk është faktuar.
Pas hulumtimit nga hibrid.info, nuk janë gjetur burime konkrete që e provojnë deklarimin e pretenduar të kryeministrit Kurti. Gjithashtu janë gjetur qëndrimet publike të tij, të cilat nuk përputhen me pretendimin.
Bazuar në metodologjinë e punës, hibrid.info e vlerëson këtë përmbajtje si “Lajm i rremë”.
Arsyetimi:
Vlerësimin “Lajm i rremë” e marrin ato përmbajtje informative që janë tërësish të sajuara apo të cilat në vete përmbajnë pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.