Portali i dyshimtë me përmbajtje në gjuhën shqipe “web3.lajme.icu” ka publikuar një artikull me titull “Dit Zíe për Europën: Ndë rron jete ë ‘Nëna’ e gjithë Shqip.ëtarëve dhe popullit Gjerman”, ndërsa në fotografi shihet portreti i ish-kancelares gjermane Angela Merkel, duke lënë të kuptohet se bëhet fjalë për vdekjen e saj.
Pas kontrollit të fakteve të kryer nga hibrid.info, ky artikull rezulton se përmban titull dhe fotografi të rreme, pasi lajmi ka të bëjë me vdekjen e nënës së Angela Merkel-it.
Gjithashtu, lajmi është i vjetër, i cili u publikua më 10 prill të vitit 2019.
Pjesë nga teksti i artikullit të publikuar në portalin e dyshimtë “web3.lajme.icu”:
Në moshën 90 vjeçare ka ndë rruar je të, Herlind Kasner, nëna e kancelares gjermane, Angela Mer kel. Sipas mediave të huaja, vde. kjae nënës së kance lares gjer mane u bë e ditur nga një prej zëdhënësve të Qev erisë së Gjermanisë.
Vegëza e artikullit të publikuar në portalin e dyshimtë “web3.lajme.icu”:
I njëjti artikull është shpërndarë edhe në Facebook në faqen “33shi.com”, e cila numëron afër 50 mijë ndjekës. (shih këtu)
Pas hulumtimit të kryer përmes makinave online të kërkimit, hibrid.info ka arritur të gjejë artikullin e publikuar në kohë reale (10 prill 2019) të publikuar në disa media online në Kosovë, lidhur me vdekjen e nënës së Angela Merkel (shih këtu dhe këtu)
Ky artikull është shpërndarë edhe gjatë vitit 2021 nga portale tjera të dyshimta, e që gjithashtu edhe atëherë janë verifikuar nga hibrid.info. (shih këtu)
Analiza:
Portali i dyshimtë “web3.lajme.icu” ka publikuar një lajm të vjetër të vitit 2019 që flet për vdekjen e nënës së Angela Merkel, por të njëjtit artikull i është vënë titull i rremë që pretendon se bëhet fjalë për vdekjen e kancelares gjermane. Angela Merkel.
Gjithashtu, edhe fotografia e këtij artikulli nuk është adekuate, pasi në të shihet portreti i Angela Merkel-it.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.