Portali i dyshimtë “specialja.com” ka publikuar disa artikuj lidhur me disa receta popullore që ndihmojnë në shërimin e sëmundjeve të ndryshme.
Temat që trajtohen në këta artikuj, përshkruajnë receta popullore dhe të ngjashme, duke pretenduar në mënyrë të paargumentuar se mund t’i shërojnë disa sëmundje apo patologji shëndetësore.
Hibrid.info ka trajtuar disa artikuj të publikuar së fundi nga ky portal i dyshimtë, ku pretendohet për receta të tilla. Këta artikuj mbajnë tituj si: Si mund të përmirësohet shikimi, si të pastrohet dhjami nga mëlçia, apo edhe si të pastrohet zorra e trashë.
Pas verifikimit të fakteve nga hibrid.info, del që të gjithë këtyre artikujve u mungon burimi i informacionit, si dhe nuk kanë asnjë referencë shkencore për pretendimet e bëra.
Kjo mund të ndikojë negativisht tek lexuesit, nëse ata aplikojnë receta të tilla, të cilat nuk dihet se sa janë të vërteta.
Vegëzat e artikujve të publikuar nga portali i dyshimtë “Specialja.com”:
Analiza:
Këta artikuj nuk përmbajnë asnjë burim të informacionit, që tregon saktë se nga janë marrë këto studime. Shkrime të tilla nuk mund të quhen të pavërteta, por përderisa u mungon burimi, atëherë kategorizohen si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
