Portali i dyshimtë “bdnewsfeed24.com” ka publikuar një artikull me titull “Armend Zemaj: ”Rini ma të paditur se Kosova nuk kam pa, mos dilni.’”.
Ky shkrim përmban titull e përmbajtje të sajuar. Pas kërkimit nga hibrid.info përmes makinave të kërkimit dhe rrjeteve sociale, nuk është gjetur asnjë deklaratë e ngjashme nga Zemaj, që do të thotë se ky artikull është komplet i sajuar.
Teksti i artikullit të publikuar nga “bdnewsfeed24.com”:
Armend Zemaj: ”Rini ma të paditur se Kosova nuk kam pa, mos dilni.’ – (VIDEO)
Ministri i Shendetësis, Armen Zemaj kritikoj rinin e Kosoves, Zemaj tha se rinia nuk po kuptojn ose nuk po duan të kuptojn, ai tha se Kosova e ka rinin më të paditur në ballkan.
‘Rini ma të paditur se Kosova skam pa, mos diIni, unë shqip po ju flas, qëndroni në shtëpi.’happeni happsiren e më p00shtme ndiqniii pamjeet e intervistes së Armend Zemaj
Vegëza e artikullit të publikuar nga “bdnewsfeed24.com”:
Analiza:
Lajmi i sajuar nga ky portal i dyshimtë, vjen jo-rastësisht menjëherë pas masave që u ndërmorrën sot nga Qeveria e Kosovës si pasojë e parandalimit të virusit Korona. Lajme të tilla hasim shpesh, të cilat dezinformojnë audiencën, si dhe autorët e tyre përfitojnë materialisht përmes klikimeve. Ky shkrim kategorizohet si “Lajm i rremë”, “Dezinformatë” dhe “Clickbait”.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
