Shkroi: Fatbardh Dema
“Bie besimi ndaj Vetevendosjes”, mban titullin një përmabajtje e publikuar dje (4 tetor) në TikTok.
Kjo përmbajtje u publikua nga llogaria me emrin “gazetaditore”.
Në këtë postim shfaqet edhe një sondazh në të cilën paraqiten akronimet e disa subjekteve politike në Kosovë, si dhe logoja e kompanisë UBO Consulting, me pretendimini se sondazhi u krye nga kjo kompani.
Në përmbajtje shfaqen disa përqindje. Lëvizja Vetëvendosje 25%, Lidhja Demokratike e Kosovës 21%, Aleanca për Ardhmërinë e Kosovës 17% dhe Partia Demokratike e Kosovës 15%.
E vërteta?
Pas hulumtimit të kryer nga hibrid.info, u vërtetua se ky sondazh është i rremë. Gjithashtu, një sondazh i tillë nuk është gjetur i publikuar as në ueb-faqen zyrtare të UBO Consulting.
Hibrid.info ka hulumtuar në ueb-faqen zyrtare të UBO Consulting, si dhe në faqen e kësaj kompanie në Facebook, e që rezultatet nuk shfaqin një sondazh të tillë. (shih këtu dhe këtu)
Sondazh i fundit i realizuar nga UBO Consulting, është ai i muajit prill prill, kur “reporteri.net” publikoi disa të dhëna për të cilat raportoi se janë marrë nga një sondazh i kryer nga kjo kompani. (shih këtu)
Analiza:
Llogaria me emrin “gazetaditore” në TikTok ka publikuar sondazh të rremë për zgjedhjet parlamentare 2025 me pretendimin se ai është realizuar nga kompania UBO Consulting.
Pas verifikimit të fakteve, u vërtetua se një sondazh i tillë nuk gjendet i publikuar në ueb-faqen zyrtare as në faqen në Facebook të kompanisë UBO Consulting.
Bazuar në metodologjinë e punës, hibrid.info e vlerëson këtë përmbajtje si “Lajm i rremë”.
Arsyetimi:
Vlerësimin “Lajm i rremë” e marrin ato përmbajtje informative që janë tërësish të sajuara apo të cilat në vete përmbajnë pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
