Shkroi: Etrit Rexhepi
Publikohet një artikull i titulluar “Gjendet e vdekur në një thes vajza e zhdukur”.
Kjo përmbajtje është publikuar sot (9 shtator) në mediumin online në gjuhën shqipe “kosova-sot.info”.
Çka nuk shkon me artikullin?
Vendndodhja e lajmit bëhet e ditur vetëm në hyrje të artikullit kur thuhet se “Një ngjarje tronditëse ka ndodhur në Turqi…”.
Pse trajtohet ky artikull?
Portali që ka publikuar tekstin është i regjistruar në Kosovë (këtu) dhe ka shumicën e lexuesve shqipfolës (këtu), andaj edhe mos qartësimi në titull se ku ka ndodhur ngjarja, mund të bëjë që audienca të mendojë se ngjarja ka ndodhur në Kosovë.
Vegëza e artikullit të publikuar nga “kosova-sot.info”:
Për të vërtetuar se ngjarja ka ndodhur në Turqi, hibrid.info ka hulumtuar me anë të makinave të kërkimit dhe ka gjetur artikuj nga mediat ndërkombëtare, të cilat e kanë raportuar dhe kanë konfirmuar atë që ndodhi në provincën Dijarbakır, në juglindje të Turqisë (shih këtu, këtu dhe këtu).
Analiza:
Lajmi për gjetjen e trupit të pajetë të një vajze 8-vjeçare, e cila ishte zhdukur prej 19 ditësh, është i saktë. Por, titulli i artikullit të trajtuar e as fotografia nuk e bëjnë të qartë se lajmi ka ndodhur në Turqi.
Bazuar në metodologjinë e punës, hibrid.info e vlerëson këtë përmbajtje si “Clickbait”.
Arsyetimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
