Shkroi: Etrit Rexhepi
Është publikuar një imazh me pretendimin se këngëtari Mehdin Përgjecaj, i njohur si Meda, ka vdekur në një aksident trafiku.
Kjo përmbajtje është publikuar para tre ditwsh (25 tetor), në TikTok nga një llogari me emrin “vipalb2024”.
E vërteta?
Hibrid.info ka gjetur se ky pretendim nuk është i vërtetë.
Arsyeja e trajtimit të këtij pretendimi, është fakti se kjo përmbajtje deri në momentin e trajtimit ka marrë afër 1 milion shikime.
Hibrid.info ka kontrolluar në profilin zyrtar të këngëtarit në Instagram, ku është parë se në 24 orëshin e fundit, janë publikuar storje në këtë llogari (shih këtu).
Hibrid.info ka hulumtuar përmes motorit online të kërkimit, “Google”, për të vërtetuar pretendimin në fjalë, por rezultatet e kërkimit nuk kanë shfaqur prova mbështetëse për të (shih këtu).
Analiza:
Pretendimi për vdekjen në një aksident trafiku, të këngëtarit Mehdin Përgjegjaj, i njohur si Meda, është i pavërtetë.
Hibrid.info ka gjetur dëshmi që vërtetojnë të kundërtën e pretendimit.
Andaj, bazuar në metodologjinë e punës, hibrid.info e vlerëson këtë përmbajtje si “Lajm i rremë”.
Arsyetimi:
Vlerësimin “Lajm i rremë” e marrin ato përmbajtje informative që janë tërësish të sajuara apo të cilat në vete përmbajnë pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
