Shkroi: Endrit Berisha
Nëpërmjet një artikulli është pretenduar për vrasjen e një 21-vjeçareje nga babai i saj në Prizren.
“Krim i rëndë në Prizren, babai i dehur vret vajzën me thikë” është titulli i publikuar nga portali në gjuhën shqipe “a2news.com” të premten (14 qershor).
Artikulli është shpërndarë edhe në disa mediume të tjera me tituj të ngjashëm.
Çka nuk shkon me këtë artikull?
Portali në fjalë ka raportuar gabimisht se viktima ka vdekur. Të dhënat zyrtare nga raporti 24-orësh i Policisë së Kosovës i të shtunës dhe deklarata e zyrtarëve policorë të premten, tregojnë se viktima është therur me thikë dhe është dërguar për trajtim mjekësor. I dyshuari është arrestuar.
Vegëza e artikullit të publikuar nga “a2news.com” të premten:
![](https://hibrid.info/wp-content/uploads/2024/06/777-1024x766.png)
Çka thotë raporti 24-orësh i Policisë së Kosovës i së shtunës:
Rasti në fjalë është iniciuar si “vrasje në tentativë”.
![](https://hibrid.info/wp-content/uploads/2024/06/2222222222222222-1024x141.png)
Screenshot nga raporti 24 orësh i Policisë së Kosovës
Pos publikimit të “a2news.com”, raportim të gabuar për vrasje kanë publikuar edhe disa mediume të tjera si, top-channel.tv, syri.net, oranews.tv, kosova-sot.info.
Analiza:
Portali në gjuhën shqipe “a2news.com” ka raportuar gabimisht për vrasjen e një vajze në Prizren, nga babai i saj.
Të dhënat zyrtare nga Policia e Kosovës bëjnë të ditur se bëhet fjalë për tentim-vrasje dhe se viktima po trajtohet në Spitalin e Prizrenit.
Bazuar në metodologjinë e punës, hibrid.info e vlerëson këtë përmbajtje si “Gabim”.
Arsyetimi:
Vlerësimin “Gabim” e marrin përmbajtjet informative në të cilat, gjatë procesit të përpilimit apo publikimit, paraqiten gabime duke publikuar informacion të pasaktë (sidomos kur kemi të bëjmë me informacione në shifra) ose duke transmetuar lajme të pavërtetuara mirë, pa qëllimin e qartë të dezinformimit të publikut.