Portali i dyshimtë “readkoala.com” me datën 29 gusht ka publikuar një artikull me titull tendencioz “Ndalohen tërësisht pishinat, xhamitë, dasmat… ja çfarë parasheh gjendja e jashtëzakonshme në Kosovë”.
Nga kontrollimi i fakteve i kryer nga hibrid.info, është vërtetuar se ky artikull është i vjetër, i cili u publikua nga Indeksonline.net me datë 11 korrik 2020, atëherë kur Lidhja Demokratike e Kosovës (LDK) qeveriste me vendin.
Pra, ky portal qëllimshëm ka publikuar këtë artikull të vjetër, të cilin është munduar ta paraqesë si aktual duke dezinformuar lexuesit.
Pjesë nga teksti i artikullit të publikuar në “readkoala.com”:
Ndalohen tërësisht pishinat, xhamitë, dasmat… ja çfarë parasheh gjendja e jashtëzakonshme në Kosovë
Gjatë ditës së sotme liderët e institucioneve kanë paralajmëruar që do të shpallet gje ndje e jashtëzakonshme në Kosovë për shkak të numrit të rrijes të të infe ktuarve me koronavirus.IndeksOnline mëson nga burimet e saj se në Kosovë pas shpalljes së gje ndjes së jashtëzakonshme bartja e maskave do të mbetet obligative në çdo hapësirë.
Vegëza e artikullit të publikuar në “readkoala.com”:
Ky artikull i vjetër është trajtuar edhe më herët nga hibrid.info, i cili ishte publikuar nga portali i dyshimtë “specialja.com” në tetor të vitit të kaluar, por me një titull tjetër të sajuar.
Analiza:
Portali i dyshimtë “readkoala.com” ka publikuar një artikull të vjetër me pretendimin ta paraqesë atë si aktual. Lajme të tilla hasen shumë shpesh, të cilat kanë qëllim të dezinformojnë lexuesit, si dhe t’i tërheqin ata që të klikojnë në këto lajme.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
