Faqja në Facebook me emrin “Rruga Drejt Islamit” ka publikuar (7 tetor) një video-material në të cilën shfaqen pamje të shpërthimit të disa objekteve.
Mbishkrimi i publikimit pretendon se video-materiali shfaq momente të bombardimeve të forcave izraelite ajrore në Gaza.
Por që pas verifikimeve të fakteve nga hibrid.info është vërtetuar se pamjet e shfaqura janë të vjetra dhe se nuk pasqyrojnë situatën aktuale në Gaza.
Vegëza e video-materialit të publikuar nga faqja “Rruga Drejt Islamit”:
https://www.facebook.com/rrugadrejtislamit2022/videos/836720751515252/
Pas hulumtimit të kryer përmes programit të automatizuar “InVID”, hibrid.info ka gjetur se video-materiali daton që nga maji i vitit 2023 dhe se nuk shfaq pamje të situatës aktuale në Gaza. (shih këtu)
Hibrid.info vlerëson se faqja në fjalë është munduar ta paraqesë video-materialin si lajm aktual.
Analiza:
Një faqe në Facebook ka publikuar një video-material nga momente të shperthimit të një objekti nga forcat ajrore izraelite.
Hibrid.info ka gjetur se video-materiali është i vjetër dhe vlerëson se faqja në fjalë e ka publikuar atë me qëllim që ta paraqesë si aktual.
Bazuar në metodologjinë e punës, hibrid.info e vlerë son video-materialin si “Dezinformatë ”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
