Pretendim i rremë: Nuk ka argumente që dëshmojnë se Thaçi ka gjendje jo të mire shëndetësore
Portali i dyshimtë “lajmefree.com” ka publikuar një artikull me pretendim të rremë se ish-presidenti i Kosovës, Hashim Thaçi, është në gjendje të rëndë shëndetësore.
Pas verifikimit të fakteve nga hibrid.info, del që titulli i këtij artikulli është i rremë dhe nuk i përgjigjet përmbajtjes.
Në tekst gjendet një shkrim autorial i vjetër, i shkruar nga Faton Mehmeti, i publikuar më 16 maj 2020 në portalin “botasot.info”.
Mehmeti kishte shkruar atëkohë se Thaçi nuk u ndje mirë në emisionin e gazetarit shqiptar, Çim Peka e që sipas tij, ish-presidentit të Kosovës u ishin bërë pyetje të nxehta.
Në këtë shkrim autorial, Mehmeti kishte aluduar për Thaçin se “Ky njeri, nëse gjërat nuk shkojnë në favor të tij ka mundësi edhe të bëjë vetëvrasje apo të përfundoj në ndonjë qendër psikiatrike. Po luhet fundi i tij, si asnjëherë më parë Thaçi po e ndjen se fundi i tij nuk është larg”.
Pra, nuk ka asgjë të vërtetë se ish-presidenti Thaçi është në gjendje të rëndë shëndetësore, siç pretendohet rrejshëm në titullin e artikullit të publikuar nga “lajmefree.com”.
Vegëza e artikullit të publikuar në portalin e dyshimtë “lajmefree.com”:
Ky artikull me titull të sajuar është shpërndarë edhe në rrjetin social Facebook nga faqja “Gazeta Arbëria”, e cila numëron afër 50 mijë ndjekës.
Vegëza e postimit në Facebook nga faqja “Gazeta Aktive”:
https://www.facebook.com/Gazeta66/posts/4270923333012105
Pas hulumtimit përmes makinave të kërkimit, hibrid.info ka arritur të gjejë artikullin autentik të publikuar në “botasot.info” me shkrimin autorial të Faton Mehmetit. Vegzën e të cilit mund ta gjeni më poshtë.
Analiza:
Portali i dyshimtë “lajmefree.com” ka publikuar një shkrim autorial të vjetër, i cili ishte publikuar në maj të vitit 2020, të cilin është munduar ta paraqesë si aktual duke i vënë titull të rremë.
Bazuar në kontrollin e fakteve përmes metodologjisë së punës, hibrid.info e ka vlerësuar këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
