Çka është edukimi medial?
Edukimi medial është aftësia për të hyrë, përdorur, vlerësuar, krijuar dhe marrë pjesë në media. Këto kompetenca konsiderohen si aftësi kyçe të shekullit të 21-të dhe një parakusht për një qytetari aktive dhe të plotë.
Cili është qëllimi i edukimit medial?
Qëllimi i edukimit medial është të rrisë ndërgjegjësimin e njerëzve për format e shumta të mesazheve mediatike që hasen në jetën e tyre të përditshme, në mënyrë që ata të bëhen qytetarë të vetëdijshëm dhe aktivë të shoqërive ku banojnë.
Rëndësia e edukimit medial
- Me rritjen e shpejtë të teknologjisë digjitale dhe përdorimin në rritje të saj në biznes, arsim dhe kulturë, është e rëndësishme të sigurohet që të gjithë të kuptojnë dhe të angazhohen me median digjitale;
- Edukimi medial është thelbësor për të mbrojtur demokracinë evropiane;
- Një popullatë e arsimuar mediatike është e informuar, e angazhuar dhe e përgjegjshme në përdorimin e medias, si konsumatorë ashtu edhe si prodhues;
- Në epokën e informacionit, është e nevojshme të jesh i arsimuar në media për të marrë pjesë plotësisht në jetën publike, duke përfshirë tregtinë, shoqërinë dhe politikën.
Përfitimet e edukimit medial
- Njohuria mediatike i ndihmon qytetarët të bëhen konsumatorë më të mençur të mediave si dhe prodhues të përgjegjshëm të mediave të tyre;
- Mësimdhënia e edukimit medial lehtëson të menduarit kritik. Ky lloj të menduari përfundimisht mund t’i ndihmojë njerëzit në shumë fusha të jetës së tyre të përditshme;
- Njohuria mediatike gjithashtu nxit aftësinë e bashkëpunimit sepse inkurajon një ligjërim të respektueshëm
Artikulli i publikuar nga Eavi.eu
