Faqe dhe grupe në rrjete sociale, e posaçërisht ato në Facebook, kanë publikuar një foto, përmes së cilës pretendojnë se Driton Selmanaj ka marr me vete djalin e tij në udhëtimin për në Washington.
Si dëshmi për këtë pohim, këto grupe e kanë paraqitur një fotografi ku shihen disa anëtarë të delegacionit të Kosovës gjatë zbritjes nga aeroplani. Në këtë foto, përveç anëtarëve tjerë të delegacionit që kanë udhëtuar për takim me përfaqësuesit e Serbisë në Washington, gjendet edhe një grua që me vete mbante një fëmijë. Siç shihet gruaja është nënvizuar me të kuqe, duke aluduar që mban djalin e Selmanajt.
Një fotografi është shpërndarë dje (31 gusht) nga shumë grupe, faqe e profile në rrjete sociale, veçmas në Facebook.
Mirëpo, i menjëhershëm ka qenë reagimi i zyrës së kryeministrit, përmes së cilit kanë demantuar këtë informatë. Për portalin indexonline.net, zyra e kryeministrit se zëvendëskryeministri i Kosovës, Driton Selmanaj, nuk e ka marr djalin me vete në këtë udhëtim.
Më tej në artikullin e indexonline.net, janë publikuar fotografi të fëmijëve të Selmanajt, ku siç duket, nuk përngjajnë me fëmijën që ishte në foton paraprake.
Fake news: Fëmija me delegacionin e Kosovës në SHBA s’është i Driton Selmanajt!
Analizë:
Nga analiza e kontrollit të fakteve, del se pretendimi i bërë përmes fotografisë së publikuar në rrjetet sociale, është i pavërtetë. Si rezultat, ky postim kategorizohet si dezinformatë, lajm i rremë dhe përmbajtje e pa verifikuar.
Arsyetimi:\
Dezinformata
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Lajm i rremë
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Përmbajtje e pa verifikuar
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
