Deputeti i Partisë Demokratike të Kosovës (PDK), Bekim Haxhiu, mbrëmë në emsionin “Direkt” në televizionin ATV, ka pretenduar pa fakte se mbi 132 mijë vaksina anti-Covid kanë skaduar dhe se këtë informacion po e mban të fshehtë Ministria e Shëndetësisë.
Më shumë se ato 132 mijë vaksinave që iu ka skaduar afati në gusht, iu ka skaduar afati kësaj radhe. Ministria e Shëndetësisë po e mban të fshehtë këtë informacion”, tha Haxhiu në emisionin Direkt në ATV.
Deklarata e plotë e Haxhiut për skadimin e afatit të vaksinave anti-Covid:
https://www.facebook.com/ATVKS/videos/525152015308980/
Të njëjtin pretendim deputeti Haxhiu e ka bërë edhe dje (19 janar) gjatë mbledhjes së Komisionit për Shëndetësi në Kuvendin e Kosovës. (shih videon e mbledhjes së komisionit nga minuta e dytë).
Pas kësaj deklarate të deputetit të PDK-së, ka reaguar Ministria e Shëndetësisë duke e quajtur si të pavërtetë.
Të kontaktuar nga portali “Paparaci.com”, ky dikaster thotë se në stoqet e vaksinave anti-COVID nuk ka asnjë vaksinë me afat të skaduar të përdorimit.
“Në stoqet e vaksinave kundër COVID-19 të MSh-së nuk ka asnjë vaksinë me afat të skaduar te përdorimit. Kosova ka ne dispozicion rreth 500. 000 doza te vaksinës kundër COVID-19 dhe asnjë prej vaksinave ne stokun aktual nuk ka afat me te shkurtër përdorimi se data 1 qershor, 2022”, thuhet në përgjigjen e MSh-së për mediumin online Paparaci.
Vegëzën e artikullit të publikuar nga mediumi online Paparaci.com mund ta gjeni këtu.
Analiza:
Deputeti i PDK-së Bekim Haxhiu ka pretenduar pa fakte se mbi 135 mijë vaksinave anti-Covid në Kosovë iu ka skaduar afati, dhe sipas tij këtë fakt po e fsheh Ministria e Shëndetësisë.
Por, i menjëhershëm ka qenë reagimi nga kjo Ministri, duke e demantuar pretendimin e deputetit Haxhiu, ku u bë e ditur se nuk ka asnjë vaksinë me afat të skaduar te përdorimit.
Nga analiza e kontrollit të fakteve të kryer nga Hibrid.info, kjo deklaratë e Haxhiut vlerësohet si “Përmbajtje e pa verifikuar”, pasi i njëjti nuk ofron asnjë fakt që e mbështet pretendimin e bërë.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
