Faqja në Facebook “Gazeta Aktive” ka shpërndar artikullin e “gjithckafresh.info” me titull “Nexhmedin Spahiu: Kombin shqipëtar e krijoi Turqia, para saj ne ishim grek dhe serb”.
Titulli i këtij lajmi është i rremë dhe i njëjti demantohet menjëherë në përmbajtje.
Publicisti kosovar, Nexhmedin Spahiu më 29 tetor në profilin e tij në Facebook, ka deklaruar se Perandoria Osmane e ka ndihmuar e jo penguar formimin e kombit shqiptar. Pra, ai asnjëherë nuk e ka përmendur termin serb apo grek, siç pretendohet në titullin e këtij artikulli nga ky portal i dyshimtë.
Teksti i artikullit të publikuar nga “gjithckafresh.info”:
Nexhmedin Spahiu: Kombin shqipëtar e krijoi Turqia, para saj ne ishim grek dhe serb
Publicisti i njohur mitrovicas, Nexhmedin Spahiu, së fundi ka bërë një tjetër pretendim kontrovers duke dashur të flirtojë me myslimanët e vendit.
Spahiu ka deklaruar se Perandoria Osmane e ka ndihmuar e jo penguar formimin e kombit shqiptar. Për dallim prej tij, shumica e historianëve rolin e osmanëve e shohin më ndryshe, transmeton Periskopi. / Hap marke tingun 5 sekonda dhe shfaqen Pamjet Ekskluzive
Vegëza e artikullit të publikuar nga “gjithckafresh.info”:
Më poshtë mund të lexoni shkrimin origjinal të Nexhmedin Spahiut, të postuar më 29 tetor në profilin e tij në Facebook:
https://www.facebook.com/nexhmedin.spahiu.3/posts/3501587783194696
Analiza:
Artikulli i publikuar në “Gazeta Aktive” përmban titull të rremë, i cili nuk përputhet me deklaratën që gjendet në tekst. Pas verifikimit nga hibrid.info, ky shkrim kategorizohet si “dezinformatë” dhe “clickbait”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
