Faqja në Facebook “Investiguesi Shkrimor” ka publikuar me 2 gusht një video material me pretendimin se në pamje shfaqet ministri i Financave në Niger me lot në sy, me pretendimin se drejtuesit e grushtit të shtetit kanë dhënë atij ultimatum 48 orë që ai të sjell mallrat e vjedhura ose përndryshe do të ekzekutohet.
Kontrolluesit e fakteve të AFP, kanë gjetur se kjo video është e vjetër (2021) dhe nuk tregon ministrin e Financave, por ish-ministrin e drejtësisë të Nigerit, Marou Amadou, duke falënderuar me lot në sy ish-presidentin e vendit, Issoufou Mahamadou. (këtu)
Vegëza e artikullit të publikuar në Facebook nga faqja “Investiguesi Shkrimor”:
AFP Fact Check ka gjetur se kjo video është shpërndarë në internet që nga dhjetori i vitit 2021 nga një llogari në Facebook e quajtur “L’oeil Nigerien”. (shih këtu)
Një tjetër llogari në Facebook e një agjencie lajmesh nigeriane Company MKL publikoi një foto që tregon Amadou-n të veshur me të njëjtat rroba dhe shall që shihen në videon e datës 28 dhjetor 2021. (shih këtu)
Ministër i Financave në Niger deri në grushtin e shtetit (26 korrik 2023) ishte Ahmat Jidoud. (shih këtu dhe këtu)
Analiza:
Një llogari në median sociale Facebook ka publikuar një video me pretendimin se në të shfaqet ministri i financave të Nigerit duke qarë pasi udhëheqësit e grushtit të shtetit i dhanë një ultimatum për të dhënë llogari për fondet e vjedhura ose të përballet me vdekjen.
Mirëpo, pas verifikimin të fakteve të kryer nga AFP është vërtetuar se pretendimi është i rremë dhe se video është e vjetër (2021) që paraqet ish-ministrin e drejtësisë Marou Amadou. Ky postim nga faqja e lartcekur merr vlerësimin si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.