Disa faqe në Facebook që kanë postime me përmbajtje në gjuhën shqipe, kanë publikuar me datë 31 tetor një fotografi ku shihen dy fëmijë dhe një grua e shtrirë në tokë.
Me anë të kësaj fotografie mundohen të paraqesin gjendjen aktuale në Gaza, ku shihen dy fëmijë duke u lutur për nënën e tyre të vdekur.
Pas analizimit të fotografisë vërehen detaje që nuk përkojnë me një imazh real dhe i njëjti tregon shenja të Ineligjencës Artificiale.
Fotografia e publikuar nga “Radio Perëndimi” dhe “Shkupi i vjetër dhe i ri-Eski ve yeni Üsküp-Старо и ново Скопје”:
https://www.facebook.com/photo/?fbid=645068024456360&set=a.246084961021337
https://www.facebook.com/photo/?fbid=652340387047017&set=a.563453665935690
Në fotografi vërehen detaje si: pozicioni i gishtërinjëve të dorës te fëmijët. Gjithashtu edhe në detajet e fytyrës së fëmijëve vërehet ndërhyrja e inteligjencës artificiale nga gjendja estetike e saj. Edhe imazhi i gruas së shtrirë ka detaje të tilla si; mos-proporcioni i trupit për nga gjatësia dhe pozita e gishtërinjve kur ajo është e shtrirë.
Hibrid.info pas hulumtimit të kryer përmes programit të automatizuar online “InVID” për kontroll faktesh, nuk ka gjetur se ekziston ndonjë fotografi e tillë në makinën e kërkimit “Google”. Hibrid.info, pavërtetësinë e këtij imazhi e konstatoi përmes aplikacioneve me Inteligjencë Artificiale, si Hive Moderation (shih këtu), i cili thotë se imazhi është prodhuar 99.8% me inteligjencë artificiale.
Analiza:
Në foto u pretendua se dy fëmijë po luten për nënën e tyre të vdekur.
Aplikacionet që zbulojnë përmbajtjet me inteligjencë artificiale thonë se ka një probabilitet të lartë që imazhi të jetë krijuar me inteligjencë artificiale.
Pas verifikimit të fakteve, hibrid.info e vlerëson këtë pretendim si “Dezinformatë” dhe “Përmbajtje e paverifikuar”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
