Portali i dyshimtë “Thedailybarta24.com” ka publikuar një artikull përmes së cilit pretendohet se është zbuluar një dokument për ndarjen e Kosovës.
Ky artikull i titulluar “URIME / Kosova Po Ndahet Dhe Fitoi Shumë, Publikohet Videoja Nga Dokumenti I Ndarjes”, pas një kontrolli të përmbajtjes rezulton i rremë, si dhe teksti shihet se është i trilluar.
Teksti i plotë i publikuar në Thedailybarta24.com:
URIME / Kosova Po Ndahet Dhe Fitoi Shumë, Publikohet Videoja Nga Dokumenti I Ndarjes
internet dhe nëpër shumë media po qarkullon një dokument i besueshëm me 22 pika të marrëveshjes së mundshme Kosovë-Serbi.
I kemi qitë në hartë ndryshimet kufitare dhe i kemi përmbledhë pikat më të rëndësishme të draft-marrëvesh.Aty shihet qartazi se si jane planifikuar ndryshimet e kufinjve. / Ju ftojmë që ta hapni marketingun për 5 sekonda dhe shfaqen pamjet ekskluzive!
Vegëza e artikullit të botuar në Thedailybarta24.com:
Gjatë procesit të hulumtimit të realizuar nga hulumtuesit e hibrid.info, nuk është arritur të gjendet ndonjë artikull tjetër i njëjtë apo i ngjashëm që ndërlidhet me këtë kontekst.
Analiza:
Pas verifikimit të këtij artikulli nga hibrid.info, titulli është i sajuar dhe nuk përputhet me tekstin, i cili është jo i plotë.
Gjithashtu në titullin e këtij lajmi shkruan se në tekst mund të gjendet një video që pretendon ndarjen e Kosovës, por një gjë e tillë mungon. Ky artikull kategorizohet si “Lajm i rremë”, “Dezinformatë” dhe “Clickbait”.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
